Повик за младински координатор во Go Green

Гоу Грин го шири тимот во Извршната канцеларија и објавува повик за младински координатор.

ВРЕМЕНСКА РАМКА

Објавување на повикот	13.03.2023
Затворање на повикот	26.03.2023 (недела) до 23:59
Разговор (interview)	28.03-30.03.2023
Известување за резултати	31.03.2023
Пожелен почеток со работа	03.04.2023

 

УСЛОВИ ЗА РАБОТА

• Ангажирање на договор на дело со времетраење од 7 месеци
• Работа од канцеларија (ул. Кукушка 4а)
• Финансискиот надомест и работните часови ќе се договорат во зависност од искуството на кадидатот/ката

 

ЗАДАЧИ И ОДГОВОРНОСТИ

• Учество и придонес во неделни состаноци за планирање

Работниот тим за млади во Гоу Грин состанува секој понеделник каде се разговараат тековните активности и се делегираат одговорности. Младинскиот координатор учествува во активностите поврзани со младите.

• Комуникација со засегнати страни (училишта, општини, организации и сл.)

За спроведување на нашите активности, во секојдневен контакт сме со нашите членови и соработници. Работиме и на нови синергии (соработки) за за зголемување на нашето влијание. Координаторот ќе има задача да ја шири мрежата на членови и соработници.

• Мобилизација, координација и организирање локални активности на иницијатива на младите

Нашата девиза е дека ние сме тука за да пружиме знаење и можности, но акциите и иницијативите треба да произлезат од младите. Координаторот треба да ги мобилизира и едуцира за еколошки теми и активистички пристап (преку работилници или едукативната платформа), а потоа со нашето искуство да им помогнеме екоакциите на младите да бидат поефективни, видливи и успешни.

• Соработка со тимот

Во мал тим исклучително важна е соработката и комуникацијата, со цел да ги надградиме нашите активности и успеси. Од координаторот ќе се очекува навремена, професионална и искрена комуникација. 

• Поддршка во пишување нови проекти

Како одговорен за работата со млади, координаторот ќе има придонес во креирање активности и проектни апликации за младите.

• Изготвување месечен извештај

Според деловникот за работа, секој кој е ангажиран во организацијата доставува месечен извештај во наш образец. 

 

КВАЛИФИКАЦИЈА

• Предност се дава на млади кандидати (15-29)
• Познавање на демократски алатки, процеси и младински активизам
• Искуство во младински сектор
• Искуство со работа на проекти и донатори
• Познавање на еколошки теми е предност
• Познавање на на македонски и англиски е задолжително 
• Познавање на албански е предност

 

ЗА АПЛИКАЦИЈА:

Испратете ни ја комплетната апликација на info@bidizelen.org до недела 26.03 до 23:59ч. За дополнителни прашања контактирајте не исто на info@bidizelen.org 

• Лична биографија 
• Контакт телефон и мејл од 3 лица за препорака
• Одговор на трите прашања во еден ворд документ

[едукација] Ангела, 17 години од Прилеп сака да се зголеми младинското учество во нејзината општина но нема никакво предзнаење за работа со општината. Како ќе и помогнеш користејќи ги ресурсите на Гоу Грин? (максимум 200 збора)

[активизам] Градоначалникот од општина ХХ не одговара на еко-барањата од младите до неговата општина поднесени во 2022 година. Што би презел/а? (максимум 200 збора)

[мобилизација] Во месец мај по повод ЕУ деновите, организираме кино-проекција во Синеплекс за 300 млади проследено со дискусија. Предложи 3 говорници и како ќе се осигураат 300 млади учесници? (максимум 200 збора)